BALITA Espesyal– Sangka university professor sa Florida, U.S.A ro nag-takas eon halin sa 100 diyas nga pag istar nana sa idaeum it dagat.
Nakalista si Dr. Joseph Dituri it bag-ong record sa titulong “Longest Time Living Underwater Without Depressurization” matapos imaw nga magpabilin it 100 days sa Jules’ Undersea Lodge.
Naka eubog ro nasambit nga lodge sa 30 feet underwater sa Key Largo lagoon.
Si Dr. Dituri ukon mas kilaea sa tawag it anang mga estudyante bilang si “Dr. Deep Sea” hay propesor sa University of South Florida.
Imaw hay may doctorate degree sa biomedical engineering ag sangka retired U.S. Naval officer man imaw.
Naeampasan ni Dr. Dituri ro previous record nga 73 diyas, 2 oras ag 34 nga minuto it daywang propesor halin sa Tennessee ko 2014.
Apang suno kay Dituri, owa nana gin obra ro nasambit nga eksperimentong para sa Guinness world record.
Gin obra nana raya agud nga magresearch kon ano kabuhay masarangan nga magpabilin it sangka tawo sa idaeum it dagat samtang naka-isolate ag una sa extreme environment.
Gintawag nana ro nasambit nga research nga “Project Neptune 100”.
Ro lodge kun sa siin nagpabilin imaw it 100 days hay bukon it kapareho sa sangka submarine.
Ro pressure sa sueod it lodge hay kapareho ro taas sa pressure sa dagat.
Tuyo it Project Neptune 100 hay masayuran kon ano ro madangatan it body and mental health it sangka tawo samtang naka-expose sa extreme pressure.
Sa 100 diyas ni Dituri, nagpatigayon imaw it daily experiments ag measurements agud nga ma-monitor ro response it anang eawas.
Mag-eowas kara, ginpadayun gihapon nana ro pagtau it lecture sa anang mga estudyante pinaagi sa online classes.
Planong iplastar ni Dituri ro tanan nga anang natukiban sa Project Neptune 100 sa World Extreme Medicine Conference sa Nobyembre.
