National news — Singkwenta y dos (52) eon ro numero it mga namatay sa pagbagbag it C-130 Hercules transport plane it Philippine Air Force sa Patikul, Sulu.
Kabi-i ginsaysay ni Defense Secretary Delfin Lorenzana nga daywa para sa mga kritikal nga soldado ro binawian eon it kabuhi.
Bangud kara, 49 nga soldado eon ro namatay sa ginakonsiderang ‘worst military air disaster’ sa nasyon sa nagtaliwan nga haeos tatlong dekada.
May tatlong sibilyan ro namatay man sa trahedya apang sanda hay idtu sa Barangay Bangkal kat bumagbag ro eroplano.
Base sa manipesto, may 96 nga pasahero ro eroplano ag kaabuan kanda hay mga bag-ong soldado nga bag-o eamang natapos nga mag-training ag nakataeana kunta nga igasabak sa andang unang misyon.
Nag-agto kahapon si Pangueong Rodrigo Duterte, Lorenzana ag AFP Chief of Staff Gen. Cirilito Sobejana sa Zamboanga City agud nga magtau it respeto sa mga namatay.
