KALIBO, Aklan— Arestado sa ginkasa nga hot pursuit operation ro 24-anyos nga suspek nga sumalisi it masobra sa P2.7 milyon sa sangka money changer sa isla it Boracay.
Ginkilaea ni Police Major Jess Baylon, hepe it Malay Police Station ro suspek nga si Leandro Sarito, waiter sa sangka restaurant sa isla ag tubong Barangay Canduyong, Odiongan, Romblon, apang presenteng naga-istar sa Barangay Yapak sa nasambit nga isla.
Dati sigon raya nga empleyado it nasambit nga money changer.
Mag-eowas sa P2.5 milyon nga nakasueod sa backpack hay ginbo-oe pa kara ro kapin sa P170,000 nga kita it money changer nga nakabutang sa cash box ag cellphone it biktima nga si Nico Caagbay.
Sa pagka-rekober it kwarta hay kueang eon raya it kapin sa P300,000.
Nagapangatubang makaron sa kasong robbery ro nasambit nga suspek ag nagapadayun pa ro imbestigasyon it pulisya sa posibleng mga kasabwat kara.
