KALIBO, Aklan— Nag-abot eon sa 157 nga may kabilugang 7, 308 total number of rooms ro mga compliant establishments nga nakapag-comply it mga nagakaigong requirements ag uman nga makapag-operate makaron nga adlaw sa soft opening ko Isla it Boracay.
Igapatigayon hinduna ro simpleng seremonya nga ginpahauman it Boracay Inter-agency Task Force nga ginakaeakipan it Department of Tourism (DoT), Department of Environment and Natural Resources (DENR) ag Department of Interior and Local Government (DILG) para sa uman nga pagbukas it pinakasikat nga Isla sa mga turista ag bakasyunista matapos ro an-om nga bueang rehabilitasyon nga nag-umpisa ko Abril 26.
Samtang, nagapabilin nga uwa sa listahan ro bisan sambilog sa limang establisyemento it kontrobersyal nga Hennan Group of Companies nga ginapanag-iyahan it negosyanteng si Dr. Henry Chusuey it Iloilo City.
Nauna eon kara nga naireport nga napameke sigon ro nasambitang kumpanya it environmental compliance certificate (ECC) nga ginpresentar sa DoT para ma-accredit ag pasugtang makapag-operate umpisa makaron nga adlaw.
