Ginpaubaya eon ni House Speaker Martin Romualdez kay Pangueong Ferdinand R. Marcos Jr ro desisyon kung sesertipikahan bilang urgent ro Maharlika Investment Fund.
Suno kay Romualdez ginplastar eon nanda ro MIF para sabton romga huna-huna it publiko angot sa pilang probisyon kara, eabi eon may kaangtaan sa pag-intra it Social Security System (SSS) ag Government Service Insurance System (GSIS) bilang funding source.
Nakasalang eon sa makaron sa pangaywang pag-basa ro MIF ag sandig sigon sa update ni House Majority Leader Mannix Dalipe, may 90 mamalidha eon ro nag co-author sa hagna ag posibleng sumaka pa sa 250.
Ginkalipay man ni Speaker nga naga-abo pa ro mamalidha nnga nagasuporta sa hagna nga Maharlika Investment Fund.
Nagpahayag man it kahauman si Senator Mark Villar nga magdihon it counterpart measure sa Senado.
Uman man nga gin-isister ni Romualdez nga importanteng tan-awon ro kabilugang katuyuan it pagtukod it sovereign wealth fund.
Ginpunto man kara nga imbes nga nagakatueog eamang ro kwarta ag pondo it gobyerno ag mga Governance Commission for GOCCs (GCG) hay mas mayad nga igabutang eon lang anay raya sa sovereign wealth fund nga gina-eauman nga magatao it mas mabahoe nga kita kung siin puwedig magamit pampondo it nagakaeain-eain nga programa ag proyekto it gobyerno.
Makabulig man sigon raya nga maka-egganyo it iba pang kapitalista sa nasyon.
