Plano it US ag Germany nga magpadaea it mga tangke sa Ukraine nga gina-eauman it Kiyv nga magiging game-changer sa andang pakigsukoe kontra sa Russia.
Gina-eauman nga iga-anunsiyo ni US President Joe Biden ro pagpadaea it kapin sa 30 M1 Abrams tanks nga gina-eauman nga igapadaea sa adlaw it Miyerkules.
Nasayuran man nga nakapagdesisyon si German Chancellor Olaf Scholz nga magpadaea it 14 man nga tangke.
Una eon nga ginpahayag it mga opisyal it Ukraine nga nagakinahangean sanda it mga mabaskog nga armas ag bastante nga tangke de giyera para makabulig sa Kyiv nga mabawi ro andang teritoryo maghalin sa Russians.
Ginpahayag man it ambassador it Russia sa Amerika nga sangka panibag-ong bulgaran nga probokasyon ro tikang ngara it US.
Samtang, ginpahayag man it tagapaghambae it Kremlin nga ro nareport nga desisyon it Germany hay owa it manami nga igatuga ag maga-aywan eamang it sangka pangmabuhayan nga lamat sa relasyon kara sa Russia
