Umabot eon sa $8 million ukon katumbas it masobra sa P471 million pesos ro kabiligang bulig nga gintao it Amerika para sa mga Pilipinong gindaeasa it mabaskog nga bagyo sa nasyon makaron nga dag-on.
Nauna eon nga ginpahayag it United States Agency for International Development (USAID), maga-eowas sa $1 milyong dugang nga humanitarian assistance nga gin-anunsiyo ni US Defense Secretary Lloyd Austin III sa anang pagbisita sa nasyon makaron nga dag-on, nakatao eon ro Amerika it eampas $7 million nga haega it typhoon-related aid para sa Pilipinas.
Ro pinakabag-ong bulig hay igataeana para sa mga biktima it Super Typhoon Pepito nga na-displace sa mga residente ag nag-aywan it halit sa mga importanteng imprastruktura ag sa sektor it agrikultura.
Ginkasubo man it USAID nga naapektuhan ro masobra sa 2 milyong katawo sa gintingob nga epekto it mga bagyong Nika, Ofel ag Pepito nga nagtuga it maeapnagong baha ag landslide sa mga nakataliwan nga dominggo.
Nagpanindugan man ro Amerika sa pagbulig sa mga pumueoyo it Pilipinas ag nagpromisa nga magabulig sa vulnerable communities nga magpaom ag maging malig-on sa atubang it mga kalamidad.
