Nagpaandam ro US Food and Drug Administration angot sa posibleng daea nga peligro it pagpanghaeok sa tagipusuon halin sa bakuna kontra COVID-19 it Novavax Inc.
Raya hay sa pihak it ginpakita nga data it kumpanya nga posible kara nga bawasan ro mga kahigayunan it mild-to-severe disease.
Sa haeos 30,000 patient trial it Novavax nga ginpatigayunan sa katung-anan it Disyembre 2020 ag Setyembre 2021, may una nga ap-at nga kaso it sangka klase it pagpanghaeok sa tagipusuon nga ginatawag nga myocarditis nga nakita sa sueod it 20 diyas pagkatapos magbaton it protein-based shot.
Bangud kara, ginhinyu it ahensiya sa Novavax nga i-flag ro myocarditis ag ro sambilog pang klase it pagpanghaeok sa tagipusuon nga ginatawag nga pericarditis bilang sangka “important identify risk” sa mga materyales kara.
Apang, ro kumpanya hay owa nagpabor nga raya hay himuon.
