KALIBO, Aklan—Mas pang ginpabaskog it gobyerno it Amerika ro andang ginahimo nga tikang agud nga malimitahan ro padayun nga paglobo it kaso it COVID-19.
Suno kay Bombo International Correspondent Greg Aguilar, nagset up ro gobyerno it sangka website kung siin pwede nga mag-log in ro mga pumueoyo.
Kinahang-ean eamang sigon nga ibutang ro pangaean ag address it kada indibidwal bangud paga-umpisahan eon it gobyerno ro pagpadaea it ap-at ka mga rapid antigen test kits sa kada panimaeay umpisa sa Miyerkules.
Ginapahayag nga plano it US government nga mag-purchase it kabilugan nga 1 billion rapid antigen test kits para maipanupod sa andang mga residente.
Tuyo kara nga mapadali ro pagtumod it mga nagpositibo kamana man nga insigida sandang maka-isolate.
