Napas-eawan nga maipasa it U.S. House of Representatives ro Democratic-led resolution nga nagatuyo nga pugngan ro military operations sa Iran mag-eowas eon lang kun magapasugot anay ro Kongreso.
Sa botong 212-212, owa naka-eusot ro proposisyon nga nagatuyo nga limitahan kunta ro gahum it administrasyon ni U.S. President Donald Trump.
Bangud sa simple majority requirement, owa raya nakapasa sa pihak it maeapit nga agwat it boto.
Raya eon ro ikatlong beses makaron nga dag-on nga ginhana nga baeabagan it mga mamalidha ro military operation sa Iran. Nauna raya nga namitlang sa 60-diyas nga deadline ko Mayo 1.
Nasayuran nga kan-o eamang hay gindeklara ni Trump nga ro ceasefire hay “terminated” eon sa presenteng giyera sa Iran.
Mas dukot man ro naging botohan sa Senado, kun sa siin na-block ro sangka war powers resolution sa 50-49 boto ko Miyerkules, matapos nagpakita it suporta ro tatlong Republicans kaibahan ro haeos tanan nga Democrats mag-eowas sa sangka miyembro kara.
