Namatay eon ro ginbansagang pinakamabuhay nga Republican House speaker nga si Dennis Hastert sa edad nga 84 anyos.
Ginkumpirma it anang kampo ro pagkamatay kara kon sa siin natural cause sigon ro rason it anang kamatayon.
Halin 1999 hasta 2007 hay naging house speaker ag imaw man ro nagbulig kay dating US President George W. Bush nga maisalaye ro anang agenda.
Namantsahan ro anang political career matapos nga akusahan nga nangmolestiya it high school athlete nga anang ginatur-an bilang coach it wrestling.
Nasentensyahan imaw ko 2016 ag nakulong it masobra sang dag-on ag ginbansagan ro dating history teacher nga sambilog sa mga highest-ranking American politician nga nakulong.
Ko dekada 90 hay naging mamalidha imaw sa Illinois kon sa siin naging mabuot raya sa mga kapareho nana nga mamalidha.
Sa sueod it 16-anyos sa coaching career hay ginpangunahan kara ro anang koponan sa state championships ag ginpangaeanan bilang national coach of the year ko 1976.
