US madinaeag-on ro ginpatigayun nga hypersonic missile test

Naging madinaeag-on ro ginpatigayun nga test it Amerika sa andang hypersonic missile.

Raya hay matapos ro sang buean nga owa naging madinaeag-on ro andang test.

Ro  Air-launched Rapid Response Weapon hay ginlunsar sa B-52H bomber sa kaeawran it Southern California.

Ginkumpirma ni Brig. Gen. Heath Collins it Air Force program executive officer for weapons ro madinaeag-on nga paglunsar apang owa eon nagtao pa it ibang mga detalye.

Ro nasambit nga missile hay naggamit it booster rocket para mapadasig ro pag-eupad kara.

Madumduman nga tatlong beses nga pumalpak ro ginpatigayun nga missile test it Amerika sa andang Air-launched Rapid Response Weapon ko nagtaliwan nga mga buean.