INTERNATIONAL News–Ginmando ni US Defense Secretary Lloyd Austin ro deployment it F-35 ag F-16 fighter jets kamana man ro USS Thomas Hudner destroyer sa Middle East.
Ro nasambit nga tikang hay bilang sabat sa aktibidad it Iran sa Strait of Hormuz.
Ginpahayag ni Pentagon deputy press secretary Sabrina Singh nga bangud sa maka-alarmang hitabo sa Strait of Hormuz hay ginpatigayun ni Austin ro nasambit nga mandato sa US Central Command Area of Responsibility.
Ko mga nagtaliwan nga adlaw hay ginhana it mga Iranian Navy ships nga kidnapon ro merchant vessels sa Strait of Hormuz ag Gulf of Oman.
Owa naging madinaeagt-on ro paghana it Iran matapos nga sitahon sanda it US Navy nga naka-poste sa lugar.
Ginpabakod it US ro pagbantay sa Middle East ko Mayo matapos nga mapunggan nanda ro mga tikang it Iran sa Persian Gulf.
