-- ADVERTISEMENT --
Nag-deactivate eon it anang Twitter account ro American model nga si Gigi Hadid.
Raya hay kasunod sa pag-takeover it bilyonaryong si Elon Musk sa nasambit nga social media platform.
Sa anang social media account ginpakigbahin kara ro rason it anang pag-deactivate hay bangud sa owa nana nagustuhan ro pagkakas ni Musk it pilang libong empleyado it Twitter.
Bangud sigon sa pagdumaea ni Musk hay nag-abo ro mga naugot ag nagabatikos sa nasambit nga kumpanya.
Nagpangayo man it pasaylo si Hadid sa anang mga fans ag sayod sigon nana nga raya ro tamang tikang, ro imaw hay magdeactivate.
-- ADVERTISEMENT --
