Kalibo Aklan ———–Ginpapanaugan it sanctions it US ro daywang ka unga nga babaye ag iba pang mga igbata ag mga tawo nga maeapit kay Russian President Vladimir Putin bangud sa nagapadayun nga pakikipag-giyera kara sa Ukraine.
Suno kay Bombo International Correspondent Greg Aguilar it California, USA nga kaibahan sa ginpapanaugan it sanctions hay ro mga unga ni Putin nga sanday Kataerina Vladimirova Tikhonova ag Maria Vladimirovna Vorontsova, parehong sa legal nga edad.
Ginpahayag ni Aguilar nga mag-eowas sa mga maeapit kay Putin, kaibahan pa sa mga gindaeahig it US hay ro pamilya ni Foreign Minister Sergei Lavrov ag pilang mga nagapangunang banko sa nasambit nga nasyon.
Ro panibag-ong sanction hay kasunod it nabulgar nga bag-ong kinagamo nga makabig nga war crimes nga ginasugid nga kahimuan it tropa it Russia sa Bucha, Ukraine maeapit sa capital city it Kyiv, kun sa siin kaibahan sa mga ginpamatay hay ro mga sibilyan nga nasapwan nga nagahamyangon sa mga karsada.
Nauna eon nga nagpanindugan ro Russia nga obra-obra eamang it mga opisyal sa Kyiv ro alegasyong kinagamo sa Bucha.
Ginpahayag ni Aguilar nga nagapati ro US nga ginatago ni Putin ro anang mga manggad sa mga miyembro it anang pamilya ag suod nga mga amigo .
Samtang, sa mayad nga sswerte suno kana nga nag-atras eon ro Russian troops sa Kyiv nga senyales it kadaeag-an it Ukraine sa pagdepensa sa andang nasyon .
