Ginbuligan it US ro mga pumueuyo it Iran matapos nga putueon it andang gobyerno ro internet connection bangud sa eapnagon nga hubeag protesta.
Suno kay US Secretary of State Antony Blinken, pagapasugtan nanda ro mga technology firm nga maka-angkon it internet ro mga pumueuyo para maka-access ro mga raya it impormasyon sa online.
Klaro sigon nga nahadlok ro gobyerno it Iran sa andang mga tawo kung siin ginputoe nanda ro internet para indi makit-an it bilog nga kalibutan ro ginahimu nga pagsakit it mga otoridad sa mga tawo.
Gintunaan man raya it maeapnagon nga hubeag protesta matapos nga mamatay ro 22-anyos nga si Mahsa Amini samtang raya hay sa kustodiya it kapulisan.
Nasayuran nga gin-naresto si Amini bangud sa bukon it ensakto ro anang panuksukon.
