Ginpahayag it Estados Unidos ro pagpapundo sa pagpondo sa mga programang kontra HIV ag AIDS sa South Africa, sa tunga it mga pagbag-o sa sueundanan sa foreign aid.
Suno sa US State Department, tuyo it tikang nga engganyuhon ro self-reliance it South Africa ag bawasan ro pag-salig kara sa bulig halin Amerika, bangud raya sigon hay sangka middle-income country eon nga may kakayahang tustusan ro kaugalingon nga mga programang pangikamayad nga eawas.
Ginakonekta man it US ro desisyon sa mga alegasyon kara angot it proteksyon sa Afrikaner white-minority community, nga mahugot nga ginpamalibran it gobyerno it South Africa.
Antes ro desisyon, ginsuportahan it US sa paagi it PEPFAR ro HIV/AIDS programs it South Africa nga may ginabueobanta nga $400 milyon nga pondo kada dag-on, sa tunga it masobra waeong milyong HIV-positive cases sa nasyon, ro pinakamataas sa kalibutan.
