Ginasueong it administrasyon ni US President Donald Trump ro pagdugang it firing squad, electrocution, ag gas asphyxiation bilang alternatibong pamaagi it execution sa federal level, suno sa report it Justice Department.
Base sa report, tuyo kara nga masabat ro kakueangan sa lethal injection drugs ag masiguro nga maipatuman ro penalidad nga kamatayon maskin may limitasyon sa supply.
Raya hay kaparte it tikang ni Trump nga ibalik ro federal executions matapos boe-on ro moratorium it nagtaliwan nga administrasyon.
Sa makaron, masobra sa 40 nga kaso ro ginasueong para sa death penalty, maskin nga owa pa it naka-abot sa aktwal nga execution. Tatlo eamang ro nabilin nga una sa federal death row matapos i-commute it dating administrasyon ro kaabuan nga sentensiya.
Umani man raya it batikos halin sa human rights groups ag pilang mamalidha nga naghambae nga ro nasambit nga mga pamaagi hay mapintas ag bukon it makatawo.
Sa pihak kara, ginpamilit it Justice Department nga kinahangean raya nga mga alternatibo agud nga mataw-an it katumanan ro laye.
