NATIONAL News — Gintawagan ni US President Joe Biden si Ferdinand “Bongbong” Marcos agud nga i-congratulate imaw sa anang kadaeag-an sa bag-o eamang natapos nga eleksyon.
Makabig nga si Biden ro kauna-unahan nga head of state nga nagtawag ag nag-congratulate kay Marcos.
Nagaeaum ro White House nga mas pang mapabaskog ro alyansa it daywang nasyon.
Sa pihak nga parte, ginpahayag man it Beijing’s ambassador to Manila, Huang Xilian nga mabahoe ro anang pagpati nga ro bilateral relations it Pilipinas ag China hay mas pang magabaskog sa pagsueod it Marcos administration.
Si Marcos Jr. ro nakataeana nga magiging ika-17 nga pangueo it Pilipinas nga magabueos kay Rodrigo Duterte.
Kaibahan nana nga magapungko sa pwesto ro unga ni Duterte ag running mate nga si Davao City Mayor Sara Duterte.
