Nagpromisa si US President Joe Biden nga indi maangkon it Russia ro kadaeag-an sa Ukraine sa tunga it andang ginapatigayon nga giyera.
Raya hay matapos nga magpaabot it sangka diskurso sa Warsaw pilang oras matapos ipahayag ni Russian President Vladimir Putin nga igapadayon kara ro haeos sang dag-on nga opensiba sa militar.
Si Putin, sa anang dag-onan nga state-of-the-nation address, hay gin-alegar ro West countries sa pagpabahoe it giyera ag ginpahayag nga pagasuspindihon it Kremlin ro pakikipagpartisipar sa New START nuclear arms treaty sa Washington.
Ginpahayag it pangueo it Russia nga ro hugot nga penalidad sa nasyon hay indi magadaog ag nagpromisa ro anang nasyon nga padayon nga magasukoe para sistematikong maangkon ro mga katuyuan para sa nasambit nga giyera.
