KALIBO, Aklan—Nagtau it hugut nga paandam si US president Joe Biden kay dating US president Donald Trump ag sa mga tagasuporta kara angot sa pagdumdum sa unang anibersayo it Capitol Attack ko Enero 6.
Suno kay Bombo International Correspondent Greg Aguilar nga ginpangunahan nanday Biden, Vice President Kamala Harris ag Speaker Nancy Pelosi ro pagdumdom sa mga namatay nga mga kapulisan nga nagprotekta kontra sa mga nagsalakay nga protesters
Ginbanatan sigon ni Biden sa anang diskurso si Trump sa natabu nga insurhensiya matapos nga indi mabaton-baton ro anang kapierdihan sa ginpatigayon nga elekesyon.
Madumduman nga ginsalakay it mga supporters ni Trump ro US Capitol para baeabagan kunta ro pagpasa it sertipikasyon sa pagkadaog ni Biden nga nagresulta sa pagkamatay it pilang mga kapulisan ag sibilyan.
Sa pihak nga parte, ginpaiway sigon ro nakataeana kunta nga press conference makaron nga adlaw ni trump base man sa laygay it anang mga advisers.
Nagapati man ro mga republicans nga makaangkon it rematch si Biden ag Trump sa eleksyon sa 2024.
