Ginpamalibaran ni US President Donald Trump ro report it news outlet nga Axios nga gina-alegar nga nagtanyag imaw it pagpaugan it sanctions ag pagpahilway sa mga naka-freeze nga pondo it Iran kabaylo it mga konkretong tikang it Tehran angot sa nuclear program kara.
Sa anang pahayag, ginpahayag ni Trump nga owa imaw it ginatanyag sa Iran ag gintawag nga owa it kamatuoran ro nasambit nga report. Samtang, ginpahayag it Axios nga nakabase ro andang report sa mga opisyal it US nga owa ginpangaeanan.
Nagapadayun ro tensyon sa tunga it Washington ag Tehran samtang nakataeanang makipagpueong ro Iranian Foreign Minister Abbas Araghchi sa mga mediator halin sa Qatar sa New York. Naging sentro man it tensyon ro Strait of Hormuz, sangka importanteng ruta it langis ag liquefied gas nga ginasugid nga epektibong na-block it Iran umpisa kat mag-eontad ro giyera ko Pebrero 28.
