Suportado it Amerika ro pagsalaye it gobyerno it Pilipinas it Maritime Zones Act.
Angot kara, gin-engganyo ni US State Department spokesperson Matthew Miller ro tanan nga nasyon nga magpanindugan sa international law partikular eon sa disputed waters ag ibase ro andang maritime claims sa 1982 UN Convention on the Law of the Sea (UNCLOS).
Dugang pa it US official nga nakalinyada ro nasambit nga bag-ong laye sa Philippine domestic laws kaibahan ro 1982 Law of the Sea Convention ag 2016 Arbitral Tribunal ruling.
Klaro man sigon nga ginatumod kara ro territorial sea, exclusive economic zone ag iba pang sakop nga maritime zones it Pilipinas.
Ginataw-an man it importansya it Amerika ro pagpanguna it Pilipinas sa pagpalig-on it international law partikular eon sa ginaagawan nga kaeawran nga nagaskaop sa West Philippine Sea.
Madumduman ko adlaw it Biyernes, kat ginpirmahan ni Pangueong Ferdinand Marcos Jr. ro Philippine Maritime Zones Act sa pagtinguha nga mapabaskog pa ro pag-insister it kinamatarong it aton nga nasyon ag responsibilidad sa sueod it aton nga maritime zones.
