Ginpagguwa eon it Malacañang ro naging bunga it working visit ni Pangueong Ferdinand Marcos Jr. sa Estados Unidos ko Setyembre 18 hasta 24, 2022.
Ginhimo raya bilang sideline sa pagtambong nana sa United Nations General Assembly (UNGA) kung siin imaw nagdiskurso.
Sa pakikipagpueong sa mga daeagkuan nga kompanya, nakabuoe ro nasyon it $3.9 bilyon nga investment pledges sa nagkaeain-eain nga sektor kapareho it Information Technology and Business Process Management, Data Center ag Manufacturing.
Mag-euwas kara, ginaeauman nga maka-kriar ro investment it haeos 112,285 nga trabaho para sa Pilipino.
Samtang, kahapon hay ginpakigbahin man ni Pangueong Marcos ro anang mga panan-awan para sa post pandemic efforts it gobyerno sa atubang it Asian financial experts.
Gintyempo nana raya pagtambong sa 55th Annual Meeting of the Board of Governors it Asian Development Bank (ADB) sa Mandaluyong City.
Kadungan kara, nagpasaeamat man ro presidente sa permi nga pag-alalay it ADB para mataw-an it katumanan ro mga proyekto it gobyerno kaeakip eon ro mas ginpabaskog nga ekonomiya it nasyon.
