KALIBO, Aklan—Nakibot ro mga taga-Australia sa napabalitang pag-selyo it US, UK ag Australia sa sangka espesyal nga security deal nga magatau it dugang nga defense capability sa Royal Australian Navy.
Raya ro ginpahayag ni Bombo International Correspondent Denmark Suede it Sydney, Australia.
Suno kana nga ro kasugtanan hay sa idaaum it ginatawag nga Aukus, kun sa siin hay magabaeayluhan it advance technologies ro tatlong nasyon kaibahan eon ro pag-acquire it mga nuclear powered submarine para sa Australia.
Sugang pa ni Suede nga tuyo man it Aukus nga maprotektahan ro interes it tatlong nasyon sa indo-pacific pacific region ag mapugngan ro anuman nga paeag ag naga-eapad nga pwersa ag impluwensya it China.
Mag-eowas sa advance weapon system, magatutuk man ro kasugtanan sa cyber capabilities, artificial intelligence ag dugang nga undersea capabilities.
Makabulig man sigon raya sa ekonomiya it nasyon bangud nga ro nuclear powered submarine hay paga-obrahon mismo sa south Australia kamana man sa seguridad it nasyon kontra sa China.
