Uwa pa it klarong listahan ro USA Basketball Team nga igasabak nanda para sa FIBA World Cup 2023 nga igapatigayon sa Agosto sa Pilipinas, Japan ag Indonesia.
Ginpahayag ni Team USA general manager Grant Hill, nga may mga nakaistorya eon imaw nga mga NBA players apang uwa pa it pinal nga listahan kon-o ro pwedeng ieakip.
Sambilog eon man sa ginagpilian nanda hay posibleng ieakip ro mga nakahampang sa FIBA World Cup ko nagtaliwan apang ro prioridad sigon nanda makaron hay ro mga bag-uhan.
Aminado raya nga sangka mabahoe nga hangkat ro pagbilog it koponan eabi eon ag makaatubang nanda hay ro mga mabaskog nga manughampang halin sa nagkaeain-eain nga nasyon.
Sa buean it Abril hay igapatigayon ro drawing antes ro torneo nga maga-umpisa sa Agosto.
Antes sigon ro torneo hay may mga nakataeana ro koponan nga exhibition games sa ibang nasyon.
