KALIBO, Aklan – – – Gina boebanta nga 20 million pesos ro pondong iga pagowa it Japan International Cooperation Agency (JICA) para sa teknolohiya nga magabulig sa waste management program sa isla it Boracay ag sa bug-os nga banwa it Malay, Aklan.
Base sa survey nga gin patigayun sa nagtaliwan nga daywang dag-un, naga abot sa 30,000 liters it used oil ro gina produce it isla.
Suno sa Renergy System Incorporated nga 90% percent it used oil ukon ro mga nagamit eon nga mantika ro iga paidaeum sa proseso agud maging biodiesel fuel.
Samtang, ro nabilin nga 10 percent non-toxic waste hay iga halo sa eugta agud maging soil conditioner.
Gina sugid nga ro environment-friendly biodiesel fuel hay naga balor it P19.25 kada litro nga pwedeng gamiton bilang power generators ag panglimpiyo sa emissions.
Nasayuran nga ro nasambitang proyekto hay gina patuman man sa Davao City, ka-tandem ro JICA sa tinotuyong, mas hugtan ro kampanya sa ‘zero waste used oil’.
