KALIBO, Aklan—Personal nga ginbisitahan ni Uswag Ilonggo Partylist Representative Jojo Ang ro pila ka mga proyekto nga gintinguhaan nga mapatindog sa pila ka mga kabanwahanan sa probinsya it Aklan pinaagi sa anang pagtinguha nga makatipon it pondo para matigayon ro mga ginahandom nga proyekto it mga lokal nga gobyerno.
Pila sa mga raya hay ro mga edipisyo ag pasilidad nga makata-o it kahamungayaan ag makabulig sa ekonomiya it banwa.
Suno kana, ginabalik eamang nana sa publiko ro pagsalig nga gintao kana kon sa siin ro anang handom eamang hay maipadayon ro mga programa ag makakriar it trabaho para sa kaumwaran it banwa kamana man mabuligan ro kubos nga pumueoyo.
Ginpahayag dugang ni Ang nga ginatuman eamang nana ro pag-angkon it abilidad, kredibilidad ag sensiridad sa pagpanerbisyo sa publiko.
