Umabot eon sa P12.79 trilyon ro kabilugang nabilin nga utang it national government sa pagtapos it Hunyo 2022 ukon unang katunga it dag-on, suno sa datos it Bureau of Treasury.
Ro debt stock hay sumaka it 2.4 porsyento ko nagtaliwan nga Hunyo bangud sa mga net issuances it mga domestic ag external nga pautang kamana man ro mga pag-ayos it kwarta.
Maghalin sa kabilugang utang, 31.5 porsiyento ro ginhalinan externally samtang 68.5 porsiyento hay domestic borrowings.
Umabot sa P8.77 trilyon ukon mas mataas it 1.2 porsiyento ro domestic borrowings kumpara ko Mayo, samtang ro external debt hay umabot sa P4.02 trilyon nga tumaas it 5.1 porsiyento.
Nauna eon nga ginpahayag ni Finance Secretary Benjamin Diokno nga indi eon kinahangean pa nga mag-utang ro nasyon bangud ro ekonomiya hay nagapakita it mga senyales it padayon nga pagbangon maghalin sa epekto it COVID-19 pandemic.
Mabahoe ro utang it Pilipinas sa nakataliwan nga daywang dag-on para pondohan ro pandemya sa war chest.
Apang suno kay Diokno nga ro pag-umwad it ekonomiya it nasyon hay madali nga maeampuwasan ro mga utang kara.
Samtang, ro ekonomiya hay nagabangon it mas madasig kumpara sa 8.3 porsyento sa unang katunga it 2022.
