Nagnaba ro “running debt stock ” it gobyerno sa katapusan it buean it Mayo.

Raya hay  matapos nga makabayad ro nasyon it cash advance maghalin sa central bank, nga na-tap para sa eubusan nga  pag-access it mga pondo para i-bankroll ro mga kinanghaeanon sa uman nga pagbuhi sa  pandemic-battered economy.

Sandig sa datus it  Bureau of the Treasury (BTr ), ro kabilugang utang nga national government hay umabot sa P12.495 trilyon, nagnaba it  2.1% o P267.415 bilyon nga mas manaba sa P12.763 trilyon nga tambak it utang ku nagtaliwan nga katapusan it Abril.

Sa partikular, ro utang sa sueod it nasyon hay umabot eon sa kapin P8.66 trilyon, nagnaba it 3% maghalin sa  sa P8.93 trilyon.

Samtang,nauna eon nga ginpahayag it Department of Finance (DOF) nga binayaran kara it  buo ro P300-bilyong utang kara maghalin sa  BSP, antes ro  aktwal nga petsa it maturity ku nagtaliwan nga Hunyo 11.