Ginsiguro ni Finance Secretary Benjamin Diokno nga indi maeubog sa utang ro nasyon kapareho it natabo sa Sri Lanka.
Suno kay Senator Sonny Angara sa ginpatigayon nga Senate ways and means committee nga may spekulasyon sa pagkumpra sa debt situation it Pilipinas sa Sri Lanka.
Apang pagpasiguro ni Diokno nga madahan sanda pag-abot sa borrowings it nasyon.
Sa kamatuoran sigon bilang treasurer hay kaabuan sa utang it gobyerno hay long term.
Positibo man si Diokno sa polisiya ni dating Finance Secretary Carlos Dominguez III para sa mas manabang interest rate.
Ginsiguro man kara pamaagi sa medium-term fiscal framework nga indi maeubog ro nasyon sa utang kapareho sa natabo sa Sri Lanka.
Samtang, target man it Marcos adminstration nga mainaba ro debt-to-GDP ratio it hasta 60% sa dag-ong 2025.
