Nag-abot eon sa bag-ong rekord nga ₱16.75 trilyon ro kabilugan nga utang it Pilipinas sa pagtapos it Abril 2025, suno sa Bureau of the Treasury.
Nagtaas raya it 0.41% umpisa Marso bangud sa padayun nga pag-utang para sa budget deficit, kaibahan ro ₱300 bilyong kita halin sa benchmark bonds.
Sumaka sa ₱11.59 trilyon ro domestic debt, samtang nagnaba man sa ₱5.16 trilyon ro external debt bangud sa pagtaas it balor it piso ag net repayments.
Suno sa Treasury, 69.2% it kabilugan nga utang hay domestic, ag kaabuan ahy may fixed interest rates ag pangmabuhayan nga pagbayad rason nga indi eagi maapektuhan it pagbag-o ro merkado.
Ginpasiguro it gobyerno nga nagapabilin nga madahan ro estratehiya sa pag-utang ag target kara nga panabaton ro debt-to-GDP ratio sa idaeum it 60% bago matapos ro termino it Pangueo.
