KALIBO, Aklan—Uwa eon it nailistang kumpirmadong kaso it covid-19 kahapon nga adlaw sa bilog nga probinsya it Aklan.
Raya hay maskin nga may gintest pang 29 nga swab samples sa laboratoryo it probinsya.
Bangud kara, nagapabilin sa 12,506 ro kabilugang kaso nga nailista it Aklan Provincial Epidemiology Surveillance Unit it Provincial Health Office.
Sa pihak kara, nagaabot eon man sa kabilugang 12,085 ro mga nagmayad matapos nga madugangan it 12 nga panibag-ong nakarekober halin sa nasambit nga deadly virus.
Sa makaron hay 106 eon lang ro aktibong kaso sa bilog nga probinsya nga ginakaeakipan it 82 nga presenteng una sa quarantine facility, 12 nga naka-home quarantine kamana man 12 pa ro admitted.
Samtang, nagapabilin man sa 315 ro kabilugang numero it mga binawian it hueam nga kinabuhi bangud sa nasambit nga pandemya.
