Uwa gihapon it napiling bag-ong Santo Papa it Simbahang Katolika sa pangatlong botohan it papal conclave makarong adlaw it Huwebes, Mayo 8.
Raya hay matapos nga itom nga aso ro gumuwa sa tsimenea it Sistine Chapel nga sinyales nga uwa pa it napili ro mga kardinal.
Ginsunog nanda ro mga balota ag ginhaluan it mga kemikal para ipakita kun paalin ro proseso kun siin ro itom nga aso hay sinyales nga uwa pa it Santo Papaapang kun puti nga aso ro gumuwa hay sinyales ito na mayroon raya nga may una eon nga napiling bag-ong pontiff.
Kahapon, Mayo 7 kat umpisahan it kabilugang 133 cardinals nga manaba sa 80 dag-on ro pagpili it ika-267 Santo Papa ukon successor it namatay nga si Santo Papa Francisco.
Nagapahaum eon ro mga kardinal para sa masunod nga botohan.
May kahigayunan man ro mga kardinal ukon “princes of the Church” nga bumoto it hasta ap’at nga beses hasta sa mabuoe ro sangka papal candidate it two-thirds majority votes.
Sa may St. Peter’s Square man, libu-libong tumueu-o ro matiyagang nag-hueat sa pag-guwa it aso halin sa kapilya para sa pag-anunsiyo it bag-ong Santo Papa.
