Ginklaro it Department of Education (DepEd) Aklan nga Special Working Holiday ro adlaw it pagdumdom it World Teacher’s Day kahapon.
Suno kay DepEd spokesperson Hernani Escullar Jr., nakabaehag sa RA 10743 nga ro Oktubre 5 hay gindeklara nga Special Working Holiday.
Apang, ginarespeto sigon nanda ro mga lokal nga gobyerno nga nag-suspinde it mga klase sa andang lugar bangud nga anda raying hurisdiksyon.
Ro DepEd region sigon hay padayon nga paga-sundon kun ano ro nakabaehag sa laye. May kabilugan nga 13 ka mga munisipalidad sa Aklan ro nag-suspinde it klase para sa pag-dumdon it World Teacher’s Day kahapon nga adlaw it Lunes.
Samtang, uwa it namonitor nga ano man nga mabahuean nga insidente sa nagkaeain-eain nga eskwelahan sa rehiyon halin kat mag-umpisa ro klase.
Suno kay DepEd spokesperson Hernani Escullar Jr., padayon ro mahilway nga pag-turo sa mga kabataan kun sa siin sa makaron hay una eon sa term 2 ro pag-eskwela.
Dugang pa nana, bangud sa ginaeauman nga epekto it very strong El Niño, ro andang taeatapan hay maga-sunod sanda sa mga sueundanan it mga LGUs.
