Uwa it personalan ag uwa it pulitika ro pagkakas it police security ni Vice President Sara Duterte.
Raya ro ginklaro ni Philippine National Police (PNP) chief Gen. Rommel Francisco Marbil angot sa pagbuhin it police security ni VP Sara sa mismong adlaw it State of the Nation Address (SONA) ni Pangueong Ferdinand “Bongbong” Marcos, Jr.
Suno kay Marbil, uwa it kamatuoran nga ginapag-initan nanda ro Bise Presidente kon sa siin ro pag-recall sigon sa police security it nagkaeain-eain nga personalidad hay agud nga irationalize ro deployment it mga pulis sa security operations.
Sa kamatuoran suno kana antes ginpatuman ro recall order nakipag-istorya ro Police Security Protection Group (PSPG) sa chief of staff it Bise Presidente ag ginpasayod ro pagkakas it mga PNP personnel ag ginsaylo sa National Capital Region Police Office (NCRPO).
Kaparehas it pahayag ni VP Sara, nagapati si Marbil nga bukon it kawad-an ro pagbuhin it anang security details bangud nga dugang eamang raya sa mga soldado nga nagatao it security sa Bise Presidente.
