KALIBO, Aklan—Ginpanindugan it kabataan partylist nga bukon it makatarungan ro paghinyo ni vice president ag DepEd secretary Sara Duterte-Carpio it mabahoe nga haega para sa confidential fund kon ro tuyo hay pondohan ro mga pamatan-on nga nagapatigayon it rally ukon protesta bangud nga dikara nagaumpisa ro recruitment it mga rebeldeng grupo.
Suno kay Crimson Labinghisa, regional chairperson it kabataan partylist nga nakabaehag sa 1987 philippine constitution ro freedom of expression kon sa siin hilway ro tanan nga ipaninggitan ro mga inhustisya nga nagakinatabo sa nasyon agud nga awhagon ro gobyerno ag maipaabot ro hinaing it publiko.
Uwa suno kana it nagarally ukon nagaprotesta kon maayos ro pagpamalakad it daywang ka matag-as nga lider it nasyon ag imbes nga paboran ro confidential fund ham-an it inde eon lang raya itaeana sa pagpaobra it mga classrooms sa eskwelahan, dugang nga medical facilities ag maabong iba pa nga siguradong mapuslan it mga pumueoyo.
