KALIBO, Aklan—Bukon it hinangae ro mga players it Denver Nuggets nga sumabak sa game 1 kontra sa Miami Heat sa pag-arangkada it NBA finals.
Raya ro naging panan-awan it sangka sports enthusiast nga si Jocel Rata, kasunod it kadaeag-an it Nuggets kontra sa Heat sa score nga 104-93.
Habitbit eamang sigon ni Jimmy Butler sa finals ro koponan maskin nga bukon it haom ro iba pang players kaparehas nanday Kyle Lowry ag Bam Adebayo.
Samtang sa Denver maskin nga mabuhay ro andang pahuway hay nakit-an ro maturity it koponan.
Haeos tanan hay nagtrabaho para mapabaskog ro andang hampang.
Uwa naging makasarili ro kada isaea sa bola kon sa siin nakit-an ro andang team work kon ikumpara sa koponan it Heat.
Igapatigayon ro game 2 sa tunga it magtimbang nga koponan sa maabot nga adlaw it Lunes, Hunyo 5 alas-8:00 it agahon oras sa Pilipinas.
