Uwa pa it lugar nga gindeklarang ‘areas of concern’ it Commission on Elections (Comelec) para sa May 12, 2025 National and Local Elections (NLE).
Raya hay apisar nga naisumite eun it Philippine National Police (PNP) ro andang listahan it mga “Potential Election Areas of Concern” sa Comelec, ag presente nga makaron hay nagapaidaeom sa balidasyon.
Suno kay PNP spokesperson PCOL Jean Fajardo, ro sangka lugar hay mahimo nga maideklara bilang “area of concern” o ipaidaeom sa Comelec control kun may una eun nga natabo nga election-related violence idto, kun may grabeng rivalry sa pulitika ag kun may presensiya it private armed groups.
Raya man sigon ro magakonsidera sa kaabuon it pulis nga dapat nga ideploy sa sangka espisipikong lugar.
Pagklaro man ni Fajardo, ro Comelec eamang ro maghimo magdeklara kara bangud kinahangean pa raya mag-agi sa balidasyon it joint security council nga ginapangunahan it poll body.
