KALIBO, Aklan—Gina-uean makaron it nagkaeain-eain nga komento partikular sa social media ro ginpagguwa nga pahayag it gobyerno it Hong Kong nga owa kara ginakilaea ro vaccine card it mga biyahero halin sa Pilipinas.
Suno kay Bombo International Correspondent Renalyn Respino Remis nga presenteng nagatrabaho sa Hong Kong nga sambilog sa mga posibleng rason it nasambit nga tikang it nasambit nga rehiyon hay bangud sa gina-alegar nga peke ro mga bakuna nga gingamit sa nasyon.
May mga kahigayunan pa sigon nga maskin fully vaccinated eon ro mga Overseas Filipino Workers (OFWs) hay naga-positibo gihapon raya sa COVID-19 matapos nga magpaidaeom sa swab test pag-abot sa paeuparan it Hong Kong.
Nauna eon nga ginpahayag ni Foreign Secretary Teodoro Locsin Jr. nga posibleng maapektuhan kara ro kapin sa 3,000 ka mga stranded OFW nga nakataeana eon kunta nga magbalik sa nasambit nga rehiyon.
