-- ADVERTISEMENT --
KALIBO, Aklan—Ginkasugtanan sa ginpatigayon nga session it mga barangay officials sa barangay Tigayon, Kalibo nga andang hugot nga igapatuman ro ginpaguwa nga memorandum ni Barangay Kapitan Gil Morandante nga nagatuyong limitahan ag imbistigahan ro mga pomoeuyong owa pa gihapon nagpabakuna kontra coronavirus disease ukon covid-19.
Suno kay Kapitan Morandante nga sa makarun hay epektibo eun ro andang memorandum nga nagamando sa mga may transakyon sa andang barangay nga magpakita it vaccination card.
Samtang, kung owa man nabakunahan kontra covid-19 hay kinahang-ean eamang nga magfill up it form ag isaysay kung ano ro anang mabug-at nga rason sa pagpamalibad nga magpabakuna.
