Kalibo Aklan ———-Dere-deretso ro vaccination roll-out sa probinsiya it Aklan .
Suno kay Ibajay Mayor ag League of the Municipalities of the Philippines (LMP)- Aklan Chapter President Jo-en Miraflores nga pilang munisipyo ro nakapatigayon eon it pagbakuna sa andang mga A3 group ukon persons with comorbidity.
Maabu eon man suno nga halin sa A1 ag A2 ro nakabaton eon it andang second dose ukon fully vaccinated eon kontra sa COVID-19.
Apang ro ginapatigayon nga pagbakuna it kada LGUs hay nakadepende man sigon sa supply it bakuna nga naga abot halin sa Department of Health (DOH) Region 6.
Gindugang pa ni Mayor Miraflores ro importansiya it insigidang pagbakuna bilang proteksyon kontra sa deadly virus.
Madumduman nga Hunyo 8, 2021, martes nga adlaw hay nag abot ro 82,800 doses it Sinovac vaccines nga dugang nga supply nga bakuna para sa Western Visayas.
Suno sa Regional Task Force against COVID-19, kapin sa 59,400 doses it Sinovac vaccines ro nag abot sa Iloilo Airport samtang ro 7,000 doses man hay nag abot sa Silay Airport para sa Bacolod City ag 16,400 doses man para sa Negros Occidental.
Umpisa Hunyo 5, naga abot eon sa 123,640 ro nabakunahan it first dose it Sinovac sa Western Visayas ag 67,421 ro nabakunahan eon it second dose.
