KALIBO, Aklan—Sa pihak nga preparado eon, posibleng maatrasar man ro vaccination rollout it Astrazeneca sa probinsiya it Aklan.
Raya hay kasunod it pagsuspinde anay it Pilipinas sa paggamit it nasambit nga bakuna kontra COVID-19 para sa mga tawo nga 60 anyos panaba matapos nga matukiban it mga european medicine regulators nga gina-angot ro posibleng koneksyon it pagturok it bakuna sa mga nailistang tumaeagsahon nga kaso it blood clotting.
Suno kay League of the Municipalities of the Philippines ukon LMP-Aklan Chapter president ag Ibajay mayor Jo-en Miraflores nga ginpapundo anay ni Food and Drug Administration (FDA) Director General Eric Domingo ro paggamit kara samtang nagapadayun pa ro imbestigasyon it World Health Organization ag mga eksperto bilang pagpangaman agud nga maprotektahan ro kaeowasan it mga Pinoy.
Kadungan kara, nag apela imaw sa mga aklanon nga padayun nga magsunod sa ginapatuman nga health and safety protocols kamana man ro paglikaw anay sa mga mass gatherings.
