KALIBO, Aklan—Nagapabilin sa A3 priority group ro ginapatigayon nga vaccination roll out sa banwa it Kalibo.
Suno kay Rey Villaruel, vaccine czar sa banwa it Kalibo nga sa makarun hay ginakueang sa gihapon ro suplay it bakuna sa nasambitan nga banwa rason nga indi pa sanda maka-proceed sa A4 priority group.
Sa pihak kara ginpahayag man ni Villaruel nga owa nagapabaya ro lokal nga gobyero it banwa agud nga mataw-an it dugang nga suplay it bakuna.
Kamatuoran sigon kara hay nagreach out eun sanda sa malacañang.
Samtang ko nagtaliwan eamang nga adlaw hay gin-required eun sanda it storage facility para sa Pfizer vaccine ag nakataeanang magabatun it kapin sa 50,000 doses kara.
Samtang, nagapadayun man makarun ro negosasyon it LGU Kalibo sa sangka kompanya maghalin sa India nga imaw ro nagahimo it Covaxin.
Engkasong magkasugot eun sigon hay magabakae ro lGU it dugang nga suplay it bakuna agud nga mapun-an pa ro kueang nga suplay kung maiturok eun paeaabuton nga Pfizer vaccine.
