Magapabilin nga bukas ro mga vaccination site kontra sa COVID-19 makaron nga tyempo it Semana Santa suno sa Department of Health (DOH).
Ginpahayag ni Health Undersecretary Myrna Cabotaje, ginmanduan eon it ahensya ro mga regional offices kara nga magpadayun sa andang mga programa sa pagbakuna eabi eon ro mga ospital sa idaeom it DOH.
Gin-engganyo man it ahensya ro mga lokal nga gobyerno nga magpadayun sa pagpanupod it mga bakuna makaron nga Holy Week.
Mag-euwas kara, ginpahayag ni Cabotaje nga ginapasugtan eon it Catholic Bishops’ Conference of the Philippines (CBCP) nga buksan ro andang mga simbahan para ubrahon nga vaccination site.
Sa makaron, kapin sa 66.7 milyon nga mga Pilipino eon ro nakabaton it kumpletong bakuna kontra sa COVID-19 samtang 12.5 million man ro nakabaton it booster shots.
