KALIBO, Aklan—Masako eon ro mga Filipino Community sa Espanya, pilang dominggo antes ro selebrasyon it Valentine’s Day.
Suno kay Bombo International Correspondent Maria Edzel Lamparero Lopez it Madrid, Spain nga maga-umpisa eon sa pagprepar ro mga Pinoy sa mga pilang ka mga aktibidad kaangot sa adlaw it tagipusuon sa masunod nga dominggo.
Pila sa mga ginapahauman nanda hay ro pagpatigayun it blind date ag pageant sa mga pamatan-on para sa Miss and Mr. Valentine’s.
Nauso man sigon kanda ro pagtao it bueak ag chocolate sa andang mga asawa kapareho it nakaangdan nga tradisyon sa Pilipinas.
Apang, sa bahin mat-a it mga Español owa nanda masyadong ginataw-an it importansya ro okasyon.
Raya hay bangud masako ro mga raya sa pagtrabaho.
Hueayapon eamang sigon kanda ro naga-effort para sa andang partner ukon asawa kamana man nga bukon it bongga kapareho it mga Filipino.
