KALIBO, Aklan—Kaabuan sa mga nagaselebrar it Valentine’s Day sa nasyon nga Maldives hay ro mga foreigner.
Raya hay bangud kaabuan sa mga residente sa nasambitan nga nasyon hay Muslim.
Suno kay Bombo International Correspondent Diana Godani ag nagatrabaho bilang Civil Engineer sa sangka Chinese company sa Maldives nga owa haeos ginaselebrar it mga lokal ro Valentine’s Day sa nasambitan nga nasyon.
Sa pihak kara, may tagsa-tagsang gimik man sigon ro mga nagadayo sa nasambitan nga nasyon kapareho eamang it mga Pinoy nga indi gid malipatan ro ‘Araw ng mga Puso’.
Ro patok sigon idto nga ginahimo kung Valentine’s Day hay ro pagbisita sa Private Islands, pagkaon sa beach ag candle light dinner.
Samtang ro mga restaurant hay nagatanyag man it promo para sa mga couple.
