KALIBO, Aklan—Bangud sa impluwensiya it ibang nasyon, ginaselebrar man it mga residente sa Thailand ro ‘Araw ng mga Puso’ ukon Valentine’s Day.
Suno kay Bombo International Correspondent Michael Garulacan it Thailand nga apisar nga owa sa kultura it nasambitan nga nasyon ro pagselebrar it Valentine’s Day hay gina-obserba eun man nanda raya matapos nga makit-an sa ibang mga kaiping nga nasyon.
Apang bukon it kapareho sa Pilipinas nga bongga ro selebrasyon, ginaselabrar eamang nanda raya it simple.
Maeaka eamang sigon ro mga lokal nga nagabakae it regalo para sa andang mga mahae sa kabuhi ukon pamilya.
Samtang ro mga estudyante man hay nagadaea it mga heart nga sticker, bueak ukon cake.
Ro mga sticker hay andang ginakabit sa andang mga maeastro ukon maeastra nga andang crush ukon ro andang nagustuhan nga magturo.
