KALIBO, Aklan—Haeos magkapareho man ro selebrasyon it Valentine’s day sa Pilipinas ag Australia, apang kumpara sa nasyon pagkatapos it date ag pagtaeaw-an it bueak ag chocolates hay owa sanda naga-deretso sa motel.
Raya ro ginpahayag ni Bombo International Correspondent Denmark Suede it Australia.
Suno kana nga bukon it masyadong magarbo ro selebrasyon idtu kun sa siin owa it makita nga mga palamuti angot sa selebrasyon.
Mataeupangdan eamang sigon nga kada naga-abot ro valentine’s day hay grabe ro pagsirit it presyo it bueak kapareho it rosas.
Ginpahayag dugang nga maabu ro gimik sa makarondaya nga tiempo sa Pilipinas kumpara sa Australia bangud nga masyadong busy ro mga tawo sa trabaho.
Ro valentine’s day suno kana sa Australia hay kaeabanan nga para sa mga young hearts.
Naging trend sigon ro pagpadaea it mga lovey-dovey emails ag e-cards.
Ro mga Australians suno kana ro sambilog sa mga pinakamabahoe nga nasyon nga mas “bet” ro e-media agud nga ipabutyag ro andang pagpalangga.
