KALIBO, Aklan—Haeos kapareho eamang it normal nga adlaw ro Pebrero 14 ukon Valentine’s day sa mga Italyano.
Raya hay sa pihak nga idtu sa Italy nag-umpisa ro orihinal nga istorya angot sa religious leader nga si St. Valentine.
Suno kay Bombo International Correspondent Girlie Ongoco it Rome, Italy nga owa masyado ginataw-an it importansya it mga pamatan-on ro selebrasyon it Valentine’s day.
Ro nagatao eamang sigon kara it importansya hay ro mga katigueangan.
Maskin ro mga business establishment hay owa man nagadekorar it mga bagay angot sa nasambit nga okasyon.
Nasayuran nga ro petsa 14 it Pebrero hay ro adlaw it kamatayon ukon death anniversary ni St. Valentine.
Ginlaygay man kara nga ro Valentine’s day hay owa eamang naka-sentro para sa mga magkarelasyon kundi para sa tanan.
